Şam – SANA
Wezîrê Rewşên Awarte û Birêvebirina Karesatan a Sûrîyê Raid El-Salih ragihand ku di çarçoveya projeyên rakirina bermahîyan de, wezaretê di nava sê mehan de li çend parêzgehan 747 hezar metrekub kavil rakirine.
El-Salih îro Sêşemê bi rêya platforma „X“ê eşkere kir ku di mehên (Sibat, Adar û Nîsana) 2026an de, evqas bermahî hatine rakirin: Li Idlibê (400 hezar m³), li Helebê (147 hezar m³), li Gundewarê Şamê (141 hezar m³), li Laziqîyê (44 hezar m³) û li Hemayê (15 hezar m³); her wiha tekezî li ser giringîya van karan ji bo vegerandina jîyana asayî û nûjenkirina binesazîyê kir.
El-Salih bal kişand ser wê yekê ku wezaret di cîbicîkirina projeyên rakirina bermahîyan de li deverên cuda berdewam e heta ku bi temamî bi dawî bibin, da ku vegera rûniştvanan bo herêmên wan bi serbilindî û rûmet were misogerkirin, û hewldanên başbûnê û vegerandina aramîyê xurtir bibin.
