Şam-SANA
Bi serokatîya Alîkarê Nûnerê Taybet Claudio Cordone, Wezîrê Hundir Enes Xetab di hevdîtina xwe ya bi şandeke nivîsgeha Nûnerê Taybet ê Neteweyên Yekbûyî ji bo Sûrîyê re, hewldanên hikûmetê ji bo çespandina ewlehî û aramîya li Sûrîyê nirxand.
Di hevdîtina ku li avahîya wezaretê li Şamê pêk hat, rewşa ewlehîyê ya herî dawî li Sûrîyê bi awayekî berfireh hate nirxandin. Wezîr şande ji hewldanên hikûmeta Sûrîyê yên ji bo çespandina bingehên aramîyê agahdar kir, bi taybetî li herêmên bakurrojhilat, tevî giringîdana bi proseya tevlîbûnê û gavên ku di vî warî de hatine avêtin.
Ev hevdîtin di çarçoveya peywendîya berdewam a di navbera hikûmeta Sûrî û NY de pêk tê, bi armanca pevguhartina nêrînan û xurtkirina hewldanên ku piştgirîya rêyên ewlehîya niştimanî dikin.
