Şam-SANA
Komîteya Têkoşîna Dijî Qezenca Neyasayî pabendbûna xwe ya tam bi prensîba şefafîyet û agahdarkirina raya giştî li ser xebatên xwe piştrast kir. Komîteyê dîyar kir ku ew niha li ser amadekirina lîsteyeke berfireh dixebite ku wê bi hevkarîya Ajansa Nûçeyan a Sûrîyê (SANA) li ser malpera xwe ya fermî belav bike. Di vê lîsteyê de navên wan kesayet û şirketên ku derbarê wan de dozên qezenca neyasayî hatine vekirin, cih digirin.
Komîteyê bang li welatîyan kir ku bi wan re hevkarîyê bikin û her rewşeke qezenca neyasayî bi rêya malpera wan a elektronîk a fermî ragihînin. Her wiha tekez kir ku ev hevkarîya bi civakê re stûneke bingehîn e ji bo serkeftina xebatên komîteyê û xurtkirina destpakî û serwerîya qanûnê.
