Şam – SANA
Yekîtîya Rojnamegerên Sûrî li Şamê yekemîn civîna xwe ya îdarî ya sala 2026an, bi beşdarîya nûnerên şax û komîteyan, li dar xist. Ev civîn ji bo nîqaşkirina astengîyên sendîkayê û ragihandinê û rêyên pêşxistina performansa sazûmanî hat lidarxistin.
Kar û xebatên civînê bi çend encaman bi dawî bûn, ku ev in:
- Nûjenkirina plana perwerdeyê ya nîvê yekem ê îsal, da ku şîyana endaman bilind bibe û pêdivîyên wan ên pîşeyî werin dabînkirin.
- Bihêzkirina hevkarî û peywendîyên di navbera Yekîtîyê û sazîyên hikûmî û sivîl ên Sûrî de, ji bo xizmetkirina berjewendîyên hevbeş.
- Pişkdarîkirin di pêşxistina qanûnên ragihandinê de, ji bo xurtkirina azadîyan û parastina yasayî ya rojnamegeran.
- Çalakkirina komîteyên pispor di nav Yekîtîyê de, bilindkirina asta wan û xurtkirina hebûna wan di astên navxweyî û herêmî de.
- Bicîhanîna stratejîyekê ji bo vegerandina mal û milkên Yekîtîyê û birêvebirina veberhênana wan, bi armanca bidestxistina berdewamîya darayî.
- Pêşxistina sindoqên Yekîtîyê (ya Hevkarî û ya Teqaudîyê) ji bo bilindkirina asta xizmetguzarî û taybetmendîyên ji bo endaman.
- Sazîkirina dîyaloga berdewam a di navbera Yekîtîyê û endamên wê de li parêzgehan, ji bo xurtkirina zelalî û beşdarîya di biryargirtinê de.
Ev civîn bi armanca xurtkirina xebata sendîkayê û pêşxistina binyada rêxistinî ji bo rûbirûbûna astengîyên sektora ragihandinê pêk tê. Di civînê de li ser rola Yekîtîyê di parastina mafên rojnamegeran, pêşxistina qanûnan, û bilindkirina asta amadekarîya pîşeyî de hat tekezkirin.
