Şam – SANA
Komeleya Stêrnasîyê ya Sûrîyê çalakîyeke komî ji bo çavnêrîya heyva Remezanê li rex peykerê Cindî El-Mechûl li Şamê û parêzgehan organîze kir. Di çalakîyê de teleskobên nûjen hatin bikaranîn û şiroveyên teknîkî û guftûgoyên bi gel re hatin kirin da ku bingehên çavnêrîya stêrnasî hêsan bikin.
Girîngîya mersûma serokatîyê
Dr. Mihemed El-′Esîrî dîyar kir ku komeleyê ji bo misogerkirina duristîya çavnêrîyê, teleskob li parêzgehan belav kirine û Çîyayê Qasîyûnê ji ber bilindahî û guncawbûna wî wekî şûna serekî hatiye hilbijartin.
Heyv nehat dîtin
Endamê komeleyê Nebîl El-Bêş tekez kir ku ji alîyê teknîkî ve heyv nehat dîtin, ji ber ku heyv piştî rojavabûnê demeke pir kin ma. Wî destnîşan kir ku eleqeya gel, bi taybetî ya zarokan, nîşana geşebûna çanda stêrnasî û girêdana zanîna zanistî bi helkeftên olî û ruhanî re ye.
Beşdarîya civakî
Beşdaran kêfxweşîya xwe bi agahdarbûna li ser mekanîzmayên çavnêrîyê anîn ziman.
Lijneya Çavnêrîya Heyvê ragihand ku ji ber ku êvara îro heyvê nehat dîtin, roja pênşemê 19ê Sibata 2026an roja yekê ya meha Remezanê ye.
