Şam-SANA
Rêxistina Heyva Sor a Sûrî ragihand ku bi hemû xebatkar û amûrên xwe bersiv daye bûyerên ku di hefteyên borî de li parêzgehên Heleb, Reqa, Dêrezor û Hesekê qewimîne.
Rêxistinê di daxuyanîyekê de ku duh Duşemê kopîyeke wê gihîştiye SANAyê, dîyar kir ku bersivdana mirovî ya rêxistinê di navbera 6 heta 31ê Kanûna Duyem de bi beşdarîya nêzîkî 2000 karmend û xwebexşên ji şaxên cuda yên rêxistinê pêk hatiye, tevî bikaranîna 100 wesayîtan.
Rêxistinê eşkere kir ku di wê heyamê de nêzîkî 12 hezar kesî ji xizmetên bijîşkî sûd wergirtine, nêzîkî 1.8 mîlyon metrekub av bi rêya tankeran hatiye veguhastin, 20 operasyonên veguhastina bijîşkî hatine kirin û nêzîkî 66 hezar madeyên cuda hatine belavkirin.
Li gorî daxuyanîyê, şaxên rêxistinê li çend parêzgehan bersiv dane malbatên koçber. Di çarçoveya vê bersivdana lezgîn de hejmarek kamp hatin armanckirin, wek herêmên Efrînê li gundewarê Helebê, kampa Erîşe li gundewarê başûrê Hesekê, kampên Newroz û Roj, û navendên vehewandinê li Qamişloyê.
