Şam-SANA
Wezîrê Çandê Mihemed Yasîn El-Salih tekez kir ku çanda Sûrîyê, ku li ser bingeha hevparîya dîrokî ava bûye, ji bilî berhema şaristanîyên ku li ser axa Sûrîyê li pey hev hatine û tê de geş bûne, ne tiştekî din e.
Duh Înê, El-Salih di daxuyanîyekê de li ser hesabê xwe yê Xê dîyar kir ku Serok Ehmed El-Şeri’ bi rêya mersûma dîrokî ku duh derketiye, xwedîderketina xwe li Sûrîyeke yekbûyî (ax û gel) nû kir, bi rêya dayîna mafên welatîyên Kurd ên ku rejîma Be’sê ya hilweşîyayî ji wan standibûn.
Serok Ehmed El-Şeri’ mersûma hejmar (13) ya sala 2026an derxistibû, ku tekez dike welatîyên Kurd ên Sûrîyê parçeyekî bingehîn û resen in ji gelê Sûrîyê, û nasnameya wan a çandî û zimanî parçeyekî jêneger ji nasnameya niştimanî ya Sûrîya piralî û hevgirtî ye.
