Şam-SANA
Sazîyên dadwerî û dadgeha pispor, vekolîna doz û binpêkirinên ku girêdayî hejmarek tometbaran in berdewam dikin; desteyên dadwerî yên peywendîdar demên rûniştinan û rêça rêkarên her dosyeyekê di nav vê hefteyê de dîyar kirine, ev yek jî di çarçoveya rêgezên qanûnî û garantîyên darizandina dadmendane de tê kirin.
Îro Duşemê, darizandina tometbar Ebdulnasir Beraqî, ku bi tometa “buxtana tawankarî ya ku dibe sedema mirina zêdetirî kesekî û destwerdana di talankirina bi zorê de”, li pêşberî Dadgeha Tawankaran a Çarem a ku di dozên dadwerîya veguhêz de pispor e, berdewam kir.
Rêveberê Ragihandin û Peywendîyan li Wezareta Dadê, Bera Ebdirahman ji SANAyê re eşkere kir ku dadgeha pispor rûniştina taybet bi Beraqî re li dar xistiye, û tekez kir ku rêkar li gorî sîstem û qanûnên berkar bi rê ve diçin, bi awayekî ku mafê berevanîyê misoger bike û şefafîyetê di rêça dadwerîyê de dabîn bike, û lê zêde kir: Bernameya rêkar û darizandinên vê hefteyê bi vî rengî ye:
Çarşema bê: Lidarxistina rûniştina yekem a taybet bi darizandina tometbar Wesîm El-Esed e, ku dê bibe şahidê guhdarîkirina li şahidan jî, ji ber ku navborî bi tometên girêdayî bazirganîya madeyên hişbir û ku destê wî di çendîn tawanan di serdema rejîma berê de heye, tê tometbarkirin.
Pêncşema bê: Lidarxistina rûniştina yekem a taybet bi darizandina tometbar Ehmed Hesûn e, muftîyê berê yê komarê, yê ku bi tometên girêdayî sorkirina bi rêya fetwayan ji bo kuştina xelkên Sûrîyê di dema Şoreşa Sûrîyê de tê tometbarkirin.
Rêveberîya Ragihandin û Peywendîyan tekez kir ku rêça dadwerîyê ya hemû tometbaran li gorî lîsteyên qanûnî bi rê ve diçe, bi awayekî ku pêkanîna lêpirsînê û dadperwerîya qurbanîyan garantî bike, li gorî prensîbên serwerîya qanûnê û serxwebûna dadwerîyê.
