Şam-SANA
Bi armanca xurtkirina rola dadwerîyê di pêvajoya dadmendîya veguhêz de û çespandina serwerîya yasayê, Wezareta Dadê bi hevkarîya Tora Sûrî ya Mafên Mirovan, komxebateke taybetmendan li Şamê bi amadebûna Wezîrê Dadê Mezhir El-Weys li dar xist.
Ev komxebat di çarçoveya pevguhertina ezmûnan û berfirehkirina hevkarîyê bi rêxistinên mafnasîyê re ji bo piştgirîya hewldanên bicîanîna dadwerîyê hat lidarxistin.
Rêvebirê Torê Fedil Ebdilxenî, eşkere kir ku armanca komxebatê piştgirîya dozên ku li dijî tawanbarên mezin ên xwedîyên binpêkirinên giran hatine vekirin e. Ev yek bi rêya sûdedîtina ji daneyên berfireh ên torê û ezmûna wê ya zêdetirî 15 salan di belgekirina tawanan û berhevkirina dosyayên tawankarîyê de yên têkildarî tawanên şer û tawanên li dijî mirovahîyê, pêk tê.
Her weha bal kişand ser pevguhertina belge û ezmûnan bi awayê ku pêvajoya dadgehkirinê xurt bike, û tekez kir ku hesabxwestina ji tawanbarên sereke li gorî qanûnên navdewletî û qanûna tawankarîyê ya Sûrîyê, gaveke rast e û beşek ji dadwerîya veguhêz e.
