Şam-SANA
Ji ber 19 bûyerên trafîkê ku di 24 demjimêrên borî de, li deverên cuda cuda li Sûrîyê rû dan û tîmên Parastina Sivîl a Sûrîyê ya ser bi Wezareta Rewşên Awarte û Birêvebirina Karesatan bersiva wan daye, 3 kes mirin û 23 kes birîndar bûn.
Parastina Sivîl îro Çarşemê li ser kanala xwe ya Telegramê ragihand ku tîmên wê alîkarîyên seretayî ji birîndran re pêşkêş kirin, piştre ji bo dermankirinê ew veguhastin nexweşxaneyan, şopên bûyeran rakirin û cihên wan ewle kirin.
Her wiha, di heman çaroveyê de, tîmên Parastina Sivîl duh Sêşemê bersiva 92 şewatan da; șewat li mal, dikan, gîya, dar, çop û têlên elektrîkê derketibûn,, agir hatin vemirandin, û cihên wan hatin sarkirin.
Parastina Sivîl dîsa hişyarî li ajovanan kir ku leza xwe kêm bikin, rewşa teknîkî ya erebeyan kontrol bikin û ji tevgerên şaş, wek bikaranîna telefona destan, ku balê di dema ajotinê de belav dikin, dûr bikevin.
Parastina Sivîl tekez kir ku pêwîst e agir di nav daristan û zevîyan de neyê vêxistin, binikên çigareyan li kêleka rêyan neyên avêtin, her wiha ji şewitandina gîyayên hişk ên li dora xanîyan an li kêleka rêyan dûr bikevin, û pêwîst e ku bi awayên ewle werin rakirin.
