Şam-SANA
Komîteya Niştimanî ya Hinardekirin û Hawirdekirinê, biryara hejmar /4/ ya sala 2025an derxist, ku destûrê dide derbaskirina otomobîlên ku niha li herêmên azad, dergehên sînorî û benderan in, û jimara heykelê wan li ser platforma elektronîk nehatiye tomarkirin, bi mebesta çareserkirina rewşa wan li hundirê welat.
Biryarê wek merc danîye ku divê ev otomobîl berîya dîroka derketina biryarê li wan deran bin, her wiha divê jimara heykel bê çespandin, belgeyên qanûnî û teknîkî werin pêşkêşkirin, û hemû xerc û bac bi temamî werin dayîn bêyî ku ti lêborîn hebe. Di heman demê de, 30 roj dem hat dayîn ji bo temamkirina rêkarên fermî, û Rêveberîya Giştî ya Gumrikê ji bo cîbicîkirina vê biryarê hat erkdarkirin.
Her wiha, komîteyê biryara hejmar /5/ ya sala 2025an derxist, ku tê de hawirdekirina hemû cureyên motorsîklêtan ji dîroka 1/4/2026an ve qedexe dike, lê motorsîklêtên ku berîya vê dîrokê derbas bûne nakevin ber vê biryarê de.
