Şam-SANA
Bi hevkarîya Wezareta Karên Derve û Koçberan û Ofîsa Komîserê Bilind a Mafên Mirovan, Roja Cîhanî ya Mafên Mirovan wek yekemîn car li Sûrîyê, bi amadebûna hejmarek wezîr, sefîr, kesayetîyên navnetewî û nûnerên rêxistinên civaka sivîl, li Koşka Konferansan li Şamê, hat pîrozkirin.
Wezîrê Karên Derve û Koçberan Es’ed Hesen El-Şeybanî, di axaftina xwe ya vekirina ahengê de got: Îro em du boneyên hêja dijîn, ew jî Cejna Rizgarîya Sûrîyê û Roja Cîhanî ya Mafên Mirovan in, û em îro vegera ruh li Sûrîyê ku dilê Rojhilat e, bi vegera wê wek dewletekê ku rêz û hurmetê dide rûmeta mirovan, radigihînin.
Ji hêla xwe ve, Serokê Beşa Rojhilata Navîn û Bakurê Afrîkayê li Komîserîya Bilind a Mafên Mirovan, Mihemed El-Nusûr, got: Bi saya têkoşîna gelê Sûrîyê û girîngîya mezin a ku Hikûmeta Sûrîyê dide mafên mirovan, em karin di Roja Cîhanî ya Mafên Mirovan de li Sûrîyê bicivin.
Ji alîyê xwe ve, Cîgira Komîserê Bilind ê Mafên Mirovan, Neda El-Naşif, got: Ev roj destpêkeke nû ya mafên mirovan e li Sûrîyê, û em bi Hikûmetê re hewl didin ku paşerojeke geş û ronî di vî warî de li Sûrîyê ava bikin.
