Şam -SANA
Wezareta Enerjîyê ji welatîyan xwest ku elektrîkê bi şêweyekî aqlane bi kar bînin, ji ber ku ev yek dê bandora wê ya rasterast li baştirkirina rewşa torê û zêdekirina saetên dabînkirina elektrîkê li hemû deveran hebe.
Di daxuyanîyekê de ku îro weşandiye, Wezaretê got ku kêmkirina bikaranîna nepêwîst ji alavên elektrîkê re, dihêle tora elektrîkê aram bimîne û bêhtir karibe xizmeta welatîyan bike.
Ev banga Wezaretê di demekê de ye ku hewcedarîya elektrîkê di mehên zivistanê de zêde dibe, ji ber bikaranîna alavên germkirina malan, û ev yek barê tora giştî giran dike.
Di çend rojên borî de, Dezgeha Veguhestin û Belavkirina Elektrîkê testeke taybet li ser tora giştî pêk anî, ji bo zêdekirina pêbawerîya wê û misogerkirina dana elektrîlê ji welatîyan re.
Di ceribandinê de, elektrîk ji bo parêzgehên Hema, Hims, Tertûs, Lazqîye û Şamê bo dema 48 demjimêran bê navber hat dabînkirin, armanc jê nirxandina karîna torê ya hilgirtina barên giran bû, ji bo di pêşerojê de dema elektrîk peyda bibe karibe bighîne welatîyan.
