Şam-SANA
Wezîrê Navxwe Enes Xetab tekez kir ku Wezaret bixêrhatina vegera efserên cihêbûyî dike, û ji bo jinûve tevlîkirina wan di dezgehên xwe de, amade ye da ku ji pisporî û ezmûnên wan sûdê wergire.
Wezîrê Navxweyî di daxuyanîyekê de ku Wezaretê li ser Telegrama xwe ragihand, got: “Piştî civîna berfireh a ku di meha borî de bi efserên cihêbûyî re pêk hat, komîteyek hate avakirin ji bo hevdîtina bi efseran re û jinûve çalakkirina wan di Wezareta Navxwe de da ku ji pisporî û ezmûnên wan sûd were wergirtin.”
Wezîr dîyar kir ku komîteyê karên xwe di du rojên borî de bi dawî kir, piştî ku ligel zêdetirî 260 efserên hiqûqî yên ku li welêt amade ne ji bo xebatê hevdîtin kir, û ew niha amade ye ku pêşnîyarekê ji bo jinûve belavkirina efseran di nav rêgezên ku di berjewendîya kar de ne, pêşkêş bike.
Xetab got: “Em bixêrhatina efserên ku hîn li derveyî welêt in, û yên ku şert û mercan destûr nedaye ku ew tevlî wezareta xwe, Wezareta Navxwe, bibin, dikin. Lînkek dê bi rêya kanalên fermî yên Wezaretê were weşandin da ku ew navê xwe tomar bikin.”
Wezîr destnîşan kir ku di qonaxa pêş de dê li ser xurtkirina kadroyên mirovî û bilindkirina kalîteya kar were xebitandin, bi rêya sûdwergirtina ji kesên xwedî ezmûn, û perwerdekirina xebatkaran (zilam û jin) li ser pisporîyên cuda, bi rêya planên baş lêkolînkirî û pêşkeftî.
