Heleb- SANA
Ofîsa Ragihandinê ya Wezareta Berevaniyê ya Sûrî, ji kokde ew nûçeyên ku medya QSD belev dike derbarê bombebarana gundê Um Tîne yê Gundewarê Helebê red kirin, û tekez kir ku Hêzên QSD bi xwe ew dever bombebaran kirine, da bi awayekî bêbextî tuhmeta bombebaranê têxe hustê Artêşa Erebî ya Sûrî de.
Ofîsa Ragihandinê ya Wezareta Berevaniyê ya Sûrî, ji Sanayê re ragihand ku QSD duh, roja şemiyê, di saat 18:20 de, gundên Tilmaʼiz, ʼElse û Keyariye li gundewarê rojhilatê Helebê bi avêjtokên Hawinê kirin armanc. Di dema bombebarana gundên ne di bin kontrola wê de, hêzên me dîtin ku yek ji mûşekavêjên QSD mûşek ber bi gundê Um Tîne de yê di bin kontrola wê de avêtin, bêyî sedemên wê yekê werin naskirin.
Ofîsa Ragihandinê ya Wezaretê weha jî got: ʺDi dema ku em bumbebarana QSD ji bajar û gundên gundewarê rojhilatê Helebê re zelal dikin, em redkirina nûçeyên di medya bi ser QSD ve derbarê bombebarkirina artêşa Sûriyê ji gundê Um Tîne re tekez dikin, û cext dikin ku QSD bi xwe ew dever bombebaran kiriyeʺ.
Ofîsa Ragihandinê ya Wezaretê amaje kir ku hêzên QSD di armanckirina sivîlan li gundewarê Helebê yê rojhilat bi awayekî rêbazkirî berdewam in, û di 10ê vê îlonê de komkujiyek li gundê Keyariye pêk anî, têde 2 sivîlan jiyana xwe jidest dan û sê kesên din jî birîndar bûn.
Ofîsa Ragihandinê ya Wezaretê diyar kir ku Wezareta Berevaniyê berdewam e di pêkanîna erkê xwe yê berevaniya di ber sûriyan û parastina ewlehî û aramiya wan de û QSD di ber pêkanîna komkujiya li Um Tîne de berpirsyar dibîne, û ew bi awayekî bêbextî dixwaze artêşa sûriyê tuhmetbar bike.
