Şam-SANA
Wezîrê Geşepêdana Îdarî, Mihemed Hesen El-Sikaf, da xuyakirin ku komîteya ku ji bo danîna reşnivîsa dawî ya projeya qanûna karmendîtîyê ya nû hatibû erkdar kirin, erkê xwe anî cih. Her weha anî ziman ku: “Ev qanûn, pêşeroja karmendîtîyê li Sûrîyeyê dide destnîşankirin.”
Her weha Wezîrê Geşepêdanê ji SANAyê re got: “Di reşnivîsa qanûna nû de, me ji mentiqê ku karmendîtî destheqî ye berê xwe da têgîneke kûrtir ku berpirsyarîtî, şîyan û xwepêşxistina domdar e.”
Wekî din jî, Wezîr lê zêde kir ku: “Qanûna nû ya karmendîtîyê dê destpêka qûnaxeke nû û cîyawaz be, bo avakirina pergaleke hikûmetê ya kêrhatî û karîger û bêtir li gorî lidil û xwestekên xelkên me be.”
Li talîyê, Wezîrê Geşepêdanê dîyar kir ku reşnivîsa qanûnê dê bo wezaret û sazîyên giştî re jî were şandin da ku pêşnîyar û şîroveyên wan wergirin. Li alîyê din, jî, da xuyakirin ku amadekarîn tê kirin ku di hefteya bê de gotûbêjek bi hejmarek berpirsên hikûmetê, pispor û akademîsyenan re bê kirin da ku li nêrînên wan jî guhdarî bikin û pêşnîyazên wan jî wergirin ji bo pêşxistina qanûnê.
