Şam-SANA
Ji bo xwendekarên ku ji derveyî welêt vedigerin Sûrîyê ji teref Wezareta Perwerdehiyê ya Sûriyeyê ve gaveke nû û mûhîm hat avêtin.
Li gorî agahîyên ku hatine wergirtin Wezareta Perwerdehiyê ya Sûriyeyê ji rêveberiyên parêzgehên xwe xwestiye ku prosedurên qeydkirina şertî ji bo xwendekarên ku ji derveyî welêt vedigerin bên hêsankirin. Ev divê li ser bingeha rêwerzên qeydkirin û qebûlkirinê yên sala akademîk a 2025-2026an û li ser bingeha agahdariya ku ji bo welîyê xwendekar heye, be.
Derbarê mijarê de îro ji teref Wezaretê ve daxuyanîyek hat belavkirin ku îro nusxeyek ji wê ji hêla SANA ve hat wergirtin. Di daxuyanîyê de tê diyarkirin ku ev tedbîr ji ber daxwaza zêde ya qeydkirinê li dibistanên giştî û taybet ji hêla xwendekarên ku ji derveyî welêt vedigerin, û nebûna belgeyên nasnameyê yên amade ji bo malbatên wan (wek nebûna sertîfîkayên zewacê û nebûna qeydkirina zarokan) hatiye girtin.
Wezaretê di berdewama daxuyanîya xwe de îfade kir ku pêdivî ye ku xwendekar bi şertî li ser bingeha agahdariya ku ji hêla welîyê ve hatî dayîn, an jî bi rêya daxuyaniyek nivîskî ku rastbûna agahdariyê piştrast dike û soz dide ku belgeyên nasnameyê yên pêwîst berî destpêkirina semestra duyemîn temam bike, dê werin qeyd kirin.
Wezaretê her wisa îfade kir ku welîyê xwendekar berpirsiyariya her têkçûna paşê ya temamkirina belgeyên pêwîst digire ser xwe, û heke belge ne temam bin, tu belgeyeke perwerdehiyê dê ji xwedekaran re neyê dayîn.
Li gorî agahîyên hatine wergirtin hêsankirina prosedurên qeydkirina şertî di çarçoveya pabendbûna wezaretê de ji bo pêkanîna plana wergirtina xwendekaran û pêkanîna perwerdehiya mecbûrî tê.
Wezareta Perwerdehîyê ya Sûrîyê 21ê Îlonê wekî roja destpêkirina sala akademîk a 2025/2026an ji bo hemî dibistanên giştî û taybet, û dibistanên wekhev ên hemî celeb û astan destnîşan kiriye.
