Deraa-SANA
Karwanê alîkarîya mirovî yê 14emîn a Heyva Sor a Erebî ya Sûrîyeyê (SARC) gihîşt korîdorê mirovî yê Beser El-Herîr li gundewarê rojhilatê Derayê. Karwanê ku ji 29 kamyonan pêk tê, ber bi bajarê Siwêdayê ve diçe.
Peyamnêrê SANAyê ragihand ku kamyonên di karwanê nû de, xwarin, kelûpelên hawarhatinê, cil û berg û hwd. hildigirtin. Tîmên Heyva Sor jî bi hemahengî ligel hevkarên navneteweyî, ji bo pêkanîna pêdivîyên malbatên zîyandar û sivikkirina êşa wan, alîkarîya mirovî digihînin Parêzgeha Siwêdayê.
Ev gav jî wekî beşek ji hewldanên hikûmeta Sûrîyeyê, bi hemahengî ligel rêxistinên herêmî û navneteweyî tê, ji bo peydakirina pêdivîyên niştecihên herêma başûr.
Karwanê 13emîn yê alîkarîya mirovî di 19ê Tebaxê de ji hêla Beser El-Herîr ve li gundewarê Derayê derbasî parêzgeha Siwêdayê bû. Karwan ji 16 kamyonan pêk dihat ku pêdivîyên alîkarî, tenduristî û xwarinê yên ji hêla rêxistinên navneteweyî û komeleyên herêmî ve hatibûn komkirin, hildigirtin.
