Waşington-SANA
Serokê Amerîkayê Donald Trump ragihand ku danûstandkarên Amerîkî û Îranî nêzîkî gihîştina rêkeftineke ji bo bidawîkirina şer bûne, û tekez kir ku ew ê tenê li ser rêkeftineke ku rê li ber bidestxistina çekên atomî ji hêla Îranê ve bigire û miameleyeke razîker digel uranyuma meyandî misoger bike, îmze bike, ku bi vî awayî hemû şertên Waşingtonê pêk bîne.
Malpera “Axios” dîyar kir ku Trump dê reşnivîsa rêkeftinê digel şêwirmendên xwe gotûbêj bike, û her weha gefa girtina biryarekê derbarê destpêkirina jinûve ya operasyonên leşkerî heta sibe roja Yekşemê xwar û got: “Yan em ê bigihîjin rêkeftineke baş yan jî ez ê wan bi temamî ji nav bibim”, di heman demê de Wezîrê Derve Marco Rubio tekez kir ku pêşveçûn heye.
Ev geşedan piştî şeş hefteyan ji ragihandina agirbestê tên ku ji bo pêkanîna lihevhatinekê derbarê bernameya atomî ya Îranê û jinûvevekirina Tengava Hurmuzê hatibû dayîn, ku vêga Koşka Spî di navbera her du vebijarkên dîplomasî û kirdara leşkerî de ji bo bidawîkirina şerê li Rojhilata Navîn lêkolînê dike.
