Qudsa Dagirkirî-SANA
Hejmara qurbanîyên êrîşên Îsraîlê yên li ser Herêma Xezayê, ji 7ê Çirîya Pêşîn a 2023an ve heta îro gihişte 72,769 şehîdan û 172,704 birîndaran.
Ajansa Nûçeyên Filistînî “Wefa” ji çavkanîyên bijîjkî yên li Xezayê ragihand ku îro Duşemê: Nexweşxaneyên herêmê di 24 saetên bûrî de pêşwazîya 6 şehîd û 40 birîndaran kir; ev yek jî hejmara giştî ji dema rawestandina agir di 10ê Çirîya Pêşîn a bûrî de digihîne 877 şehîdan, û 2,602 birîndaran.
Çavkanîyan dîyar kirin ku hîn hejmarek ji qurbanîyan di bin kavilan û li ser rêyan e, ku ta niha tîmên ambûlans û parastinê nikarin bigihîjin wan.
Berî niha, 6 Filistînî hatibûn kuştin û hin kesên din jî birîndar bûbûn, yekşema borî, ji ber êrîşên hewayî yên balafirên dagirkerîya Îsraîlê ku herêmên cuda yên Xezeyê kiribûn armanc, di berdewamîya binpêkirina Peymana Rawestandina Agir a ku ji Çirîya Pêşîn a borî ve derbas dibe.
