Qudsa Dagirkirî-SANA
Serokê Amerîkayê Donald Trump, îro ragihand ku agirbesta li navçeya Xezeyê ne tenê dawîya şerekî ye, lê belê “berbangake dîrokî ji bo Rojhilateke Navîn a nû ye”, çiku kabûseke dirêj û bi êş ji bo Îsraîlî û Filistînîyan bi dawî bûye.
Trump di gotareke xwe de li ber Knesseta (Parlamentoya) Îsraîlê got: “Piştî salên pir dirêj ên şerê berdewam û metirsîyeke bêdawî, rewş aram bûye, top bêdeng bûne, zengilên hişyarîyê bêdeng bûne û roj li ser axeke ku niha bi aramî û aştîya mayînde dijî, hiltê.”
Trump da zanîn ku aştî ne tenê hêvîyeke ku em di xewnên xwe de dibînin, lê ketwareke ku em roj bi roj li ser ava dikin, tekez jî kir ku aştîya Xezeyê ji bo tevahîya cîhanê serkeftineke herî mezin e.
Bi heman awayî, Trump amaje bi wê yekê kir ku piştî êş, jan û bêtaran, divê her kes bala xwe bide ser avakirin û werarê. Serokê Amerîkayê bang li Filistînîyên Xezeyê kir ku bala xwe bidin ser pêşketinê da ku jîyana ku heq dikin bi dest bixin. Her wiha wî amadebûna xwe nîşan da ku di van hewldanan de bibe hevpişk û di avakirina “Encumena Aştîyê” de bibe alîkar.
Donald Trump dîyar kir ku ji bo bidestxistina aştî, pêşketin û geşbûnê, pêwîstî bi hêza aborî ya welatên Erebî heye. Di dawîya gotara xwe de jî, Trump spasîya welatên Erebî û Îslamî kir ku amadebûna xwe ji bo jinûveavakirina bajarê Xezeyê û dorhêla wê ragihandibûn.
