Paytextên cîhanê-Sana
Beriya lidarketina Civînên Komeleya Giştî ya Neteweyên Yekbûyî, Brîtanya, Keneda û Awistralya, roja yekşemê, bi fermî danpêdan bi Dewleta Filistînê kirin, ev gav wek guhertineke dîrokî û serkeftina edaleta navdewletî û mafên gelê Filistînê yên kes nikare bazaran li ser bike hat dîtin.
Hersê welatan di daxuyaniyên cuda de, piştrast kirin ku ev danpêdan pabendî bi prensîbên yasaya navdewletî û biryarên Netewên yekgirtî ye, ji bo dana mafên gelê Filistînê yê avakirina dewleta xwe ya paytexta wê Qudis e, li gor sînorên 4ê hezîrana 1967an.
Di axaftineke televîzyonî de, Serokwezîrê Brîtanyayê Keir Starmer got ku danpêdana bi Dewleta Filistînê “gavek ber bi vejandina hêviya çareseriya du dewletan de ye”. Û bal kişand ser ku qeyrana mirovî ya rojbiroj li Xezzayê kambaxtir dibe ji ber berdewamiya êrîşên Îsraîlê li ser Bajarê Xezzeyê, û tekezî li ser pêwîstiya zindîhiştina çareseriya du dewletan kir.
Ji aliyê xwe ve, Serokwezîrê Awistralyayê Anthony Albanese ragihand ku welatê wî “danpêdanê bi mafê gelê Filistînê yê avakirina dewleta xwe ya serbixwe dike “, û tekez kir ku ev naskirin “nîşana pabendbûna berdewam a Awistralyayê bi çareseriya du dewletan e, ku takerêya bidestxistina aştî û ewlehiyê li herêmê ye.”
Serokwezîrê Kanadayê Mark Carney jî ji hêla xwe ve piştrast kir ku welatê wî “piştgiriya çareseriya du dewletan dike wekî rêyekê ji bo aştî di navbera Îsraîlî û Filistîniyan pêk were”, û destnîşan kir ku ev danpêdan di demek hestyar de ye, ji ber ku civaka navneteweyî hewl dide çareseriyeke daddar û mayînde ji şer û pevçûnan re bibîne.
Tê zanîn ku neh dewletên din beriya Civîna Giştî ya Netewên Yekgirtî bi fermî naskirina xwe ji Dewleta Filistînê re ragihandibûn, di nav wan de Fransa, Belçîka, Lûksemborg, Malta, Andorra û San Marino, û Portekîzê helwesta xwe ya bilezkirina danpêdanê ragihand.
Bi vê yekê hejmara welatên ku bi fermî naskirina xwe ji Dewleta Filistînê re ragihandine gihiştiye 147 dewletan ji hejmara giştî ku 193 dewletên endamên Neteweyên Yekgirtî ne, di heman dema piştgiriya mezin ya welatên hêzdar ên cîhanê wek Çîn û Rûsyayê ên ku ji sala 1988an ve naskirina dewleta Filistînê ragihandine.
Bêjeyên sereke: Awistralya, Brîtanya, Filistîn, Keneda
