Qudsa Dagirkirî-SANA
Hat ragihandin leşkerên rejîma dagirker îro li Şerîaya Rojava bi ser mal û milkên Filistînîyan de girtin û êrîş birin bi ser wan de.
Li gorî agahîyên ku hatine wergirtin îro leşkerên rejîma dagirker bi ser Şerîaya Rojava de girtin. Di êrîşên hêzên dagirker ên Îsraîlê yên li deverên cuda yên Şerîaya Rojava de du Filistînî birîndar bûn û 10 kes jî hatin desteserkirin.
Derbarê mijarê de ji teref WAFAyê ve daxuyanîyek hat belavkirin. Di daxuyanîya ku belavkirin de derbarê mijarê de hat ragihand ku hêzên dagirker ên Îsraîlê îro di danê sibê de dest bi êrîşî çend herêmên li Şerîaya Rojava kirin. Hat hînbûn; bajarê “Erîha”, bajarokê “Beyt amr” a li bakurê “Hebronê”, gundê “Safa” ya li rojavayê Ramallahê, bajarê “Qalqilya”, gundên “Jayyus” û “Asla” ya li rojhilatê bajêr, bajarokê “Bala” a li rojhilatê Tulkermê, “Beyt Jala” ya li rojavayê Beytlehmê û bajarokê “Qabatiya” ya li başûrê Cenînê ew cih in ku êrîş bi ser wan de hatiye kirin. Tê diyarkirin leşkerên rejîma dagirker êîşî malên Filistîniyan kirin, tiştên wan talan kirin û bi guleyên zindî û gaza rondikrêj êrîşî wan kirin. Di êrîşên ku hatin kirin de du Filistînî birîndar kirin û 10 kesan jî desteser kirin.
Her wekî din hat hînbûn ji bilî birîndarkirin û desterkirinan leşkerên rejîma dagirker bi buldozerana du xanî li bajarokê “El-Xedera” li başûrê Beytlehmê hilweşandin û zirar dan gelek avahîyên din.
Herwiha hat hînbûn ji alîyê din ve niştecihên dagirker ên îsraîlî, di bin parastina hêzên dagirker ên îsraîlê de, êrîşî avahiya Mizgefta “El-Eqsayê” kirin û gerên provokatîf pêk anîn.
Li gorî Komîsyona Berxwedana Niştecihbûnê binpêkirinên dagirker û niştecihên wê yên li dijî Filistîniyan di van demên dawî de zêde dibin ku di êrîşên dawî yên ku di meha borî de hatin kirin de 57 hilweşandin hatin kirin. Di van hilweşandinan de zêdetirî 120 mal û tesîsên Filistînî li Şerîaya Rojava hatin hedef girtin.
