Kabûl-SANA
Di erdheja ku duh êvarê li parêzgeha “Kunara” li bakur-rojhilatê Efxanistanê qewimî de herî kêm 500 kes canê xwe ji dest dan û bi sedan kes jî birîndar bûn.
Ajansa Nûçeyan a “şînxwa” ya ku ji çavkaniyên herêmî îstifda kir derbarê mijarê de ragihand: “Erdheja ku li gorî pîvana Richter 6 pile bû û li herêma çiyayî ya “Hindu Kush” a li bakur-rojhilatê Efxanistanê xist, bû sedem ku zêdetirî 500 kes rehmet bikin û nêzîkî 1000 kesên ku di nav zarok û pîrek jî hebûn birîndar bibin.”
Navenda Sîsmolojiyê ya Ewropa-Deryaya Spî duh ragihand ku erdhej di kûrahiya 10 kîlometreyan de çêbûye û navenda wê 42 kîlometre li rojhilat-bakurê rojhilatê “Celalabadê” ye.
Çiyayên “Hindû Kush” yek ji deverên herî meyldarê erdhejê yên li Efxanistanê ye ku li cihê hevgirtina plakayên tektonîk ên Avrasya û Hindistanê ye. Di salên dawî de li vê herêmê erdhej û lerzînên bihêz pêk hatin û ev erdhej bûne sedem ku bi sedan însan canê xwe ji dest bidin û birîndar bibin.
