Şam-SANA
Xebatên nava welêt ên ji bo xizmeta gelê Sûrîyê bênavber berdewam dikin ku di bergeha van xebatan de xizmeteke nû dê ji teref Heyva Sor a Sûrî ve kirin. Hat hînbûn ji bo baştirkirina xizmetên tenduristiyê Heyva Sor a Sûrî klînîkên gerok û ambulansan stand.
Li gorî agahîyên ku hatine wergirtin Heyva Sor a Erebî ya Sûrî, bi piştgiriya Federasyona Navneteweyî ya Xaça Sor û Komeleyên Heyva Sor (IFRC) û beşdariyên Heyva Sor a Siûdî û Xaça Sor a Japonî, çar klînîkên mobîl û sê ambulans stand. Ev gav armanc dike ku kapasîteya rêxistinê ji bo peydakirina xizmetên tenduristî û awarte li seranserê parêzgehên cûda yên Sûrî bên zêdekirin û xizmetên baştir bên dayîn.
Derbarê xebata ku ji teref Heyva Sor a Sûrî ve hat destpêkirin de ji teref Dr. Tariq El-Baajê Rêveberê Beşa Xizmetên Pizîşkî ya Heyva Sor a Erebî ya Sûrî ye ve ji nûçegihanê SANAyê re daxuyanîyek hat dayîn. Dr. Tariq El-Baaj di daxuyanîa xwe ya ku da de destnîşan kir ku klînîkên mobîl ên ku ji hêla Xaça Sor a Japonî ve têne peyda kirin dê ji parêzgehên Heleb, Lazkiye, Hema û Îdlibê re werin şandin da ku xizmetên lênihêrîna tenduristiyê yên seretayî li deverên ku gihîştina wan dijwar e an jî ji ber karesatên xwezayî an zirarên berê navendên tenduristiyê yên bibandor tune ne, bên peydakirin.
El-Baaj di berdewama daxuyanîya xwe de balan kişand li ser xebat û hewlên rêxistinê û destnîşan kir ku rêxistin bi berdewamî dixebite da ku pergala ambulansê nûjen bike, hem bi rêya nûjenkirina alavan û hem jî bi rêya perwerdekirina tîmên operasyonê. Wî her wisa destnîşan kir ku ambulansên nû yên ku ji hêla Heyva Sor a Siûdî ve têne peyda kirin dê li filoya ambulansê ya Heyva Sor a Erebî ya Sûrî werin zêdekirin, ku niha 110 wesayîtan dihewîne ku li seranserê parêzgehên cûda hatine belavkirin û di şert û mercên cûrbecûr de 24 seata dixebitin û xizmetê didin.
Ev gava ku ji teref Heyva Sor a Sûrî ve hat avêtin; wekî beşek ji hewildanên berdewam in ji bo baştirkirina îxtîyacên mirovî û berfirehkirina çarçoveya xizmetên tenduristiyê tê, da ku piştrast bike ku piştgiriya bijîşkî digihîje komên herî hewcedar li seranserê welêt.
