Hims – SANA
Fermandarîya Hêzên Ewlekarîya Hundirîn a Himsê, qedexeya çûn û hatinê li gelek taxên bajêr heta saet 5ê êvarî dirêj kir, di heman dema berdewamîya lêpirsînan de derbarê tawana kuştina zilamekî û jina wî li bajarokê Zeydel ê gundewarê başûrê Himsê, û ji niştecihan xwestin ku pabendîyê bi qedexeyê bikin ji bo parastina ewlehîya xwe û paydakirina atmosfereke guncaw ji bo temamkirina tedbîrên meydanî.
Taxên himsê yên başûr niha di rewşeke aram de dijîn ji ber ku hêzên ewlekarîyê ji bo parastina aramîyê li wan taxan belav bûne.
Berdevkê Wezareta Karên Hundirîn Nûredîn El-Baba, tekez kir ku lêpirsînên destpêkê nîşan didin ku tawan cînayî ye û danîna wan nivîsên mezhebî bi armanca wendakirina rastîyê ye, û hişyarî derbarê tiştên sexte yên li ser malperên medya civakî tên belavkirin da, û piştrast kir ku desteya vekolînerên tawanan karê xwe bi awayekî bêlalyen ji bo naskirina tawankaran berdewam dike.
Derbarê tevlîhevîya ku piştî tawanê çêbûye, Rêveberîya Tenduristîyê ragihand ku 18 birîndar hene, piranîya wan ji ber gulebarana bêserûber in. Ji alîyê xwe ve, malbatên her du qurbanîyan red kirin ku tawan ji bo gurkirina nakokîyên mezhebî were bikaranîn, û tekezî li ser pabendîya xwe bi pêvajoya yasayî ji bo sizdana tawankaran kirin.
