Idlib-SANA
Îro rêveberîya Nexweşxaneya Zanîngehê ya Idlibê, amûra pêşkeftî ya wênekişandina tomografî (CT SCAN) ya bi kapasîteya (128 qat) xist xizmetê. Ev amûr ji alîyê Desteya Enerjîya Atomî ya Sûrîyê ve bi hevkarîya Ajansa Navdewletî ya Enerjîya Atomî, wek piştgirîyekê ji bo sektora tenduristîyê ya li parêzgehê hatiye dabînkirin.
Berpirsan tekez kir ku amûra nû ya wênekişandina tomografî dê şîyanên sektora tenduristîyê li Idlibê xurt bike; ev jî bi rêya pêşkêşkirina teşxîseke hûr û bilez ku rêjeya tîrêja ku nexweş jê re rûbirû dibin kêm dike. Desteya Enerjîya Atomî dîyar kir ku ew li ser parastina kalîte û pîvana amûrê berdewam in. Ji alîyê xwe ve, beşa tîrêjan destnîşan kir ku amûr dikare di nava 24 saetan de zêdetirî 100 wêneyan bikişîne, ku ev pêngaveke girîng e di bilezkirina dermankirinê de.
Ev destkeft di çarçoveya stratejîya Desteya Enerjîya Atomî de tê ji bo pêşxistina binesazîya teşxîskirinê û bilindkirina asta xizmetguzarîyên bijîşkî ji bo welatîyan, ku wek yek ji çalakîyên herî berbiçav ji bo piştgirîkirina sektora tenduristîyê li Sûrîyê tê hesibandin.
