Heseke – SANA
Îro Duşemê, Parêzgarê Hesekê Nûredîn Ehmed, bi mebesta çalakirina karê yekîneyên kargêrî û bihêzkirina wan ji bo bicihanîna erkên xwe yên xizmetguzarî û geşepêdanê, çend biryar derxistin ku li gorî wan encumenên xwecihî û ofîsên cîbicîkar ên demkî ji bo çend bajar û şaredarîyên parêzgehê tên avakirin.
Biryar damezrandina ofîsa cîbicîkar a demkî ji bo encumena bajarê Dêrikê (El-Malîkîye) li bakurrojhilatê parêzgehê, ligel avakirina ofîsên cîbicîkar ên demkî ji bo 14 şaredarîyan li xwe digirin, ku ev in: (El-Alîye El-Şerqîye, El-Mutenebî, El-Xurîrî, Til El-Cayir, Keşkeş Zeyanat, Şêx Hemed, Zên El-Mibrec, Ebû Rasên, El-Hemra Kêşikê, El-Cewadîye-Çil Axa, El-Musena, Berqa, El-Enadîye, û Malihet Um Hermele).
Li gorî biryaran, ev encumenên demkî dê heta birêveçûna hilbijartinên nû, hemû erk û desthilatên ku li gorî yasa û rêziknameyên derbasdar ji encumenên bajar û şaredarîyan re hatine dayîn bi cih bînin; bi taybetî li gorî yasaya Rêveberîya Xwecihî ya ku bi mersûma hejmar 107 a sala 2011an û sererastkirinên pê re hatiye derxistin.
