Şam-SANA
Rêveberîya Hec û Umreyê ya ser bi Wezareta Ewqafê ve, karûbarên kirêkirina bircên niştecihbûnê yên hecîyên Sûrî li Medîneya Minewer ji bo werzê hecê yê sala 1448an K – 2027an Z temam kirin.
Rêveberîyê îro Yekşemê di daxuyanîyekê de li ser kanala xwe ya Telegramê dîyar kir ku avahîyên hatine kirêkirin di asta xizmetguzarîyê ya çar û pênc stêrkî de ne.
Ev yek li gorî pîvan û mercên fermî yên pejirandî hatine destnîşankirin, da ku di warê niştecihbûn, xwarin û ewlehîyê de xizmetên herî tekûz ji bo hecîyan bên pêşkêşkirin.
Armanc ji vê yekê misogerkirina rehetî û aramîya hecîyan di dema mayîna wan a li cihên pîroz e.
Ev pêngav wekî beşek ji amadekarîyên pêşwext ên ji bo werzê hecê yê bê tê hesibandin.
