Gundewarê Şamê -SANA
Karkerekî 20 salî îro Şemîyê ji ber herifîna axê li cihekî kolanê li bajarê Herestayê li gundewarê Şamê di dema kolana xeta kanalîzasyonê de jîyana xwe ji dest da.
Rêveberê Navenda Parastina Sivîl li Dûmayê Besam Hemed di daxuyanîyekê de ji SANAyê re tekez kir ku tîmên wan yekser piştî wergirtina agahîyan berê xwe da cihê bûyerê û dest bi rakirina axa li ser karker kom bûye kirin, û ew ax bi alavên destan kolan da xwe bighînin wî, ji ber ku ew ji encama herifînê di bin qebareyeke mezin a axê de mabû.
Hemed dîyar kir ku tîmên Parastina Sivîl karîbû xwe bighînin karker û wî ji bin axê derxin, lê piştî ku jîyana xwe ji dest dabû. Yekser bo nexweşxaneyekê hat veguhastin da ku rêkarên pêwîst temam bikin û cenaze radestî malbata wî bikin,.
Hemed destnîşan kir ku bûyer ji ber herifîneke li cihê kolanê di dema bicihanîna karên kolana xeta kanalîzasyonê de çêbûye, û da zanîn ku tîmên Parastina Sivîl li gorî rêkarên rizgarkirinê yên di rewşên wiha de têne kirin, serederî bi bûyerê re kirin.
