Şam-SANA
Wezareta Enerjîyê bang li şênîyên parêzgehên Reqa û Dêrezorê nemaze yên ku li nêzîkî Çemê Firatê dijîn kir ku hişyar û baldar bin, ji çem û qiraxên wî dûr bikevin û avjenîyê tê de nekin.
Ev bang hemwextî zêdebûna gav bi gav a çaverêkirî ya tibabên avê yên derbasbûyî û bilindbûna ast û leza herikînê tê kirin.
Îro Înê, Wezareta Enerjîyê li ser kanala xwe ya Telegramê dîyar kir ku Sazîya Giştî ya Bendava Firatê dê ji sibe Şemîyê (15ê Tebaxê) ve, tibabên ava ku di Bendava Kedîranê re derbas dibin gav bi gav ji 600 metre sêca ber bi 800 metre sêca di çirkeyê de bilind bike, li gorî daneyên avî û xebatê û şopandina astên avê li dirêjahîya çêm.
Wezaretê eşkere kir ku ev pêngav di bin ronahîya bilindbûna berdewam a tibabên ava ku di Çemê Firatê re ji alîyê Tirkîyê ve tê de hat, ku ev nêzîkî deh rojan e bi berdewamî ji 1200 metre sêca di çirkeyê de zêdetir bûye û tê pêşbînîkirin ku tibabên bilind heta dawîya vê mehê bidomin.
Li dawîyê jî, Wezareta Enerjîyê tekez kir ku tîmên teknîkî li Sazîya Giştî ya Bendava Firatê bi şev û roj çavdêrîya hatina avê, asta golan û tibabên ava derbasbûyî di bendavan re dikin û hemû rêkarên xebatê yên pêwîst ji bo birêvebirina vê avê werdigirin, da ku ewlehîya sazî û şênîyên me li dirêjahîya Çemê Firatê were parastin.
