Dera-SANA
Îro Yekşemê, nivîsgeha posteya bajarokê El-Şecere li gundewarê rojavayê Derayê, piştî rawestandineke ku 14 salan berdewam kir, vegerîya ser kar. Ev gav bi armanca destpêkirina pêşkêşkirina xizmetên posteyê û xizmetên darayî ji bo bi hezaran welatîyên li herêmê û sivikkirina barê hatûçûnê li ser wan hat avêtin.
Serokê nivîsgehê Faris El-Ehmed dîyar kir ku nivîsgeh xizmetên wekî dayîna mûçeyên xanenişînan, hewaleyên posteyê yên bilez, xizmeta “Sham Cash”ê, belgeya “ne karmendê dewletê ye” û posteya fermî pêşkêş dike. Her wiha dê di demeke nêz de xizmeta belgeya “tomara dadwerîyê” jî lê were zêdekirin.
El-Ehmed ji nûçegihanê SANAyê re got: “Nivîsgeh xizmeta nêzîkî 12 gund û niştecihên li derdora bajarokê El-Şecereyê dike. Sazîya Posteyê ya Sûrîyê amûr û karmend dabîn kirin, lê civaka herêmî sîstema enerjîya rojê pêşkêş kir da ku nivîsgeh bixebite.”
