Hims-SANA
Rêveberîya Têkoşîna li Dijî Madeyên Hişbir ragihand ku wê di operasyoneke ewlehîyê de ku li parêzgeha Himsê pêk anîye, hewldana qaçaxçîtîya barekî mezin ê madeyên hişbir bo derveyî welêt pûç kiriye, ku di encamê de mîlyonek û 300 hezar hebên keptagonê hatine desteserkirin.
Rêveberîyê îro Înê li ser kanala xwe ya Telegramê eşkere kir ku ev operasyon piştî şopandin û çavdêrîyeke hûr pêk hatiye, û bûye sedema girtina kesê berpirsê vî barî. Her wiha desteserkirina hebên hişbir ku di hundirê satilên plastîkî de hatibûn veşartin bi mebesta xapandinê.
Navborî bal kişand ser desteserkirina vî barî bi temamî, di heman demê de lêpirsîn ligel kesê girtî berdewam dikin ji bo eşkerekirina şirîkên wî û kesên din ên têkildarî operasyonê, da ku radestî dadgeha pispor were kirin û rêkarên qanûnî yên pêwîst derheqê wî de werin girtin.
