Dera – SANA
Hêzeke leşkerî ya ser bi Îsraîla dagirker ve ku ji pênc wesayîtên leşkerî pêk dihat, derbasî gundê Abidînê yê li gundewarê rojavayê Derayê bû. Vê hêzê du xalên kontrolê yên leşkerî li ser rêya ku diçe gundê Cimleyê danîn, rêwî (zarok jî di nav de) hatin teftîşkirin, her wiha wan nehişt ku sivîl ji gund derkevin û ji bo tirsandina şênîyan gule ber bi hewayê ve berdan, bêyî ku tu kes birîndar bibe yan kesek were girtin.
Ev liv û tevger wekî berdewamîya binpêkirinên dubare yên Îsraîlê ji Peymana Veqetandina Hêzan a sala 1974an li başûrê Sûrîyê re tê, ku girtina ser malan û xerabkirina zevîyan jî li xwe digire.
Ji alîyê xwe ve, Sûrîyê tekez kir ku hemû tevgerên dagirkerîyê ne qanûnî ne, û bang li civaka navdewletî kir ku berpirsyarîyên xwe hilgire da ku dawîyê li van binpêkirinan bîne û Îsraîlê neçar bike ku bi temamî ji xaka Sûrîyê vekişe.
