Şam-SANA
Rêveberîya Giştî ya Bazirganîya Navxweyî û Parastina Bikarhêneran li Şamê ku girêdayî Wezareta Aborî û Pîşesazîyê ye, ragihand ku xizmetên Tomara Bazirganî ya Şamê li baregeha Rêveberîya Bazirganîya Navxweyî li Bab El-Cabîyeyê hatine rawestandin.
Di daxuyanîyekê de ku SANAyê kopîyek jê wergirt, îro Çarşemê hat dîyarkirin ku hemû xizmet û dosyayên Tomara Bazirganî ya Şamê bo baregeha Rêveberîya Giştî ya Wezaretê li devera Ruknedînê (li hemberî nexweşxaneya Îbn El-Nefîs) hatine veguhastin. Kar li baregeha nû dê ji 28ê Hezîranê ve dest pê bike.
Rêveberîyê eşkere kir ku pêşkêşkirina daxwaznameyên bidestxistina xizmetên tomara bazirganî ya kesane tenê bi rêya lînka elektronîk tê kirin.
Lê belê, daxwaznameyên tomara şirketan bi awayê kaxezî û rasterast li nivîsgeha pêşwazîyê li navenda xizmetên şirketan li Rêveberîya Giştî ya Bazirganîya Navxweyî û Parastina Bikarhêneran (Rêveberîya Şirketan, qata yekem) tên wergirtin.
