Şam-SANA
Hêzên Ewlekarîya Navxweyî kesê bi navê Sarî Mû’eyed Mexlûf girt, ji ber tevlîbûna wî di encamdana gelek tawanan de, ku ya herî berbiçav beşdarbûna wî di komkujîya El-Beyda li Banyasê de ye, her wiha tawanên talankirin, şêlandina bi çek, revandina ji bo fidyeyê û dizîna otomobîl û mal û milkên welatîyan.
Wezareta Navxweyî îro Yekşemê ragihand ku lêkolînên destpêkê piştrast kirin ku kesê girtî toreke qaçaxçîtîya navdewletî bi hevkarîya tawanbarên bi navê Beşar Telal El-Esed û Hafiz Munzir El-Esed bi rê ve dibir. Hat eşkerekirin ku wî sîfeta xwe ya ewlekarîyê di serdema rejîma revîyayî de bi kar anîye ji bo veşartina çalakîyên xwe yên tawankar.
