Şam-SANA
Wezareta Enerjîyê bang li xelkê kir ku pabendî rênimayên silametîya giştî bin li deverên nêzîkî Çemê Firatê, di bin sîya berdewamîya bilindbûna asta avê de, ji bo parastina silametîya wan û pêşîgirtina li rûdana qezayan an zîyanên pêşbînîkirî.
Wezaretê bi rêya kanala xwe ya li ser Telegramê îro Înê piştrast kir ku divê xelk nêzîkî qeraxên herîyê û kendalên nêzî herikîna Çemê Firatê nebin, ji ber metirsîya hilweşîn û şemitînên ji nişka ve. Her weha daxwaz kir ku ji herikîna çem û herêmên nizm ên derdorê dûr bikevin.
Wezaretê tekez kir ku bila kes hewl nede avê derbas bike yan pir û derbasgehên demkî yên ku ketine jêr bandora bilindbûna asta avê bi kar bîne. Wezaretê bang kir ku zarok ji qeraxên çem werin dûrxistin, her weha divê kombûnên bi armanca wênekêşanê yan şopandina bilindbûna avê neyên kirin, çimkî ev yek metirsîyeke rasterast li ser ewlehîya giştî pêk tîne.
