Idlib-SANA
Wezîrê Rewşên Awarte û Rêvebirîya Karesatan a Sûrîyê Raîd El-Salih, ragihand ku tîmên wezaretê zêdetirî 900 kîlometre xendeq û sengerên axê li parêzgeha Idlibê dagirtine û serast kirine. Ev xebat wek beşekî ji hewildanên hilanîna şûnmayên şer û baştirkirina jiyana xelkên deverê ye.
El-Salih diyar kir ku ev kar bi hevkarîya parêzgeh û rêvebirîyên herêman têne kirin; bi armanca jinûvegirêdana zevîyên çandinîyê, hêsankirina tevgera xelkê û cotkaran, û piştgirîya aramî û veberhênana çandinîyê. Ev pêngav di çarçoveya cîbicîkirina Mersûma Hejmar 59 a Sala 2026an de tê avêtin, wek rêxweşkirinê li ber vegera xelkê bo herêmên wan.
Her wiha, Rêveberîya Rewşên Awarte li Idlibê, dest bi rakirina wêranî û paşmayîyên şer li gundewarê Me’ret Hurme kir, da ku aramîya kesên vegerîyane xurt bike û vegera koçberan hêsantir bike.
