Hesekê-SANA
Rêveberîya devera Til Koçer, Dozgerê Giştî yê Sûrîyê Dadwer Hesan El-Turbe pêşwazî kir. Ev serdana fermî bi armanca dîtina rewşa deverê hat encamdan, wek amadekarîyekê ji bo vekirina dadgehê li wir.
Rêveberîya Ragihandinê ya Hesekê bi rêya kanala xwe ya Telegramê dîyar kir ku Dozgerê Giştî serdaneke wekhev bo avahîyên dadgehan li Şedadê, Til Birak û Til Hemîsê pêk anî, da ku ji nêz ve rewşa wan bibîne û gavên pêwîst ji bo jinûve çalakkirina wan bavêje.
Rêveberîyê her wiha da zanîn ku di çarçoveya vê serdanê de, gereke li dergehê sînorî yê Til Koçer jî hat kirin. Armanc ji vê yekê xurtkirina hevkarî û hevahengîyê ye di navbera Desteya Dergehan û sazîyên dadwerî de, da ku kar û barên li wir bên birêkûpêkkirin.
TAGGED: Rêveberîya Devera Til Koçer, Dadwer Hesan El-Turbe, Dozgerê Giştî yê Sûrîyê
