Gundewarên Şamê – SANA
Rêveberîya Têkoşîna li dijî Terorê, bi hevkarîya Rêveberîya Ewlehîya Hundirîn a herêma Zebedanî ya gundewarê Şamê, tawankar Celal Ebdulhemîd El-Malih girt.
Li gorî çavkanîyeke ewlehîyê ku îro Şemîyê ji ajansa SANAyê re ragihand, ev tawankar yek ji bermahîyên rejîma berê ye û destê wî di kuştina mulazimê veqetîyayî Mehmûd Îsa de heye. Her wiha wî leşkerê bi navê Ebdellah Mihriz, ku yek ji endamên “Tevgera Ehrar El-Şam” bû, radestî hêzên rejîma berê kiriye; ew jî di zindanê de hatibû kuştin.
Rêveberîya Têkoşîna li dijî Terorê, duh Înê, kesê bi navê Sehil Fecir Hesen, emîdê di hêzên rejîma berê de, di operasyoneke ewlehîyê de girtibû.
Wezareta Hundirîn di daxuyanîyekê de dîyar kir ku kesê hatiye girtin, yek ji serkirdeyên leşkerî yên berbiçav e ku ji destpêka şoreşê ve di operasyonên dijî gelê Sûrîyê de beşdar bûye. Di postên rêveberî û hestyar de bilind bûye; di nav de fermandarîya tabûrekê di Pasdarên Komarî de li parêzgeha Dêrazorê û endametîya komîteya ewlehîyê li bajarê Helebê.
