Şam – SANA
Parêzgarê Şamê Mahir Merwan Idlibî ligel Cîgirê Serokê Cîbicîkar ê sazîya “Qeter El-Xeyrîye” Newaf El-Hemadî, rêyên xurtkirina hevkarîya hevbeş ji bo cîbicîkirina projeyên geşepêdanê û mirovî yên ku xizmeta sektorên cihêreng dikin, di civîneke li avahîya parêzgehê de gotûbêj kirin.
Her du alîyan li ser lidarxistina komxebatekê ji bo zelalkirina projeyên geşepêdanê û mirovî li hev kirin, ligel tekezkirina li ser berfirehkirina hevkarîya di navbera alîyên fermî û komeleyên xêrxwazîyê de ji bo pêşxistina bernameyên domdar ku kûrîya têkilîyên di navbera her du gelan de nîşan dide.
Sazîya “Qeter El-Xeyrîye” ji sala 1992an ve di warê karê mirovî û geşepêdanê de alîyekî pêşeng e, ku bernameyan di sektorên perwerde, tenduristî, av, ewlehîya xurekê, bihêzkirina aborî û ahenga civakî de cî bi cî dike.
