Reqa-SANA
Beşa Hişyarîya Zû û Amadebaşîyê li Wezareta Rewşên Awarte û Birêvebirina Karesatan, tevî Rêveberîya Çavkanîyên Avê li parêzgeha Reqayê, hişyarî dan ku asta ava çemê Firatê di rojên bê de bilind dibe. Ev yek ji ber zêdebûna herikîna avê ji Bendava Kedîran a li rojavayê parêzgehê ye, ku ji îro Sêşemê 14ê Nîsanê ve dest pê kirîye.
Beşê bang li welatîyan kir ku bi lez alavên xwe yên çandinîyê ji qeraxên çêm dûr bixin da ku zirarmend nebin. Hat dîyarkirin jî ku bilindbûna asta avê dê di navbera 7 heta 10 rojan de berdewam bike, ji ber ku derîyên bendavê hatine vekirin.
Her wiha hişyarî li ser metirsîya çûnûhatina di navbera her du alîyên çem de bi rêya pirên demkî yan yên ji axê hat dayîn. Hat xwestin ku ev derbasgeh neyên bikaranîn heta ku asta avê vegere rewşa asayî û ewlehîya wan were piştrastkirin.
Di daxuyanîyê de hat eşkerekirin ku herêmên li ser qeraxên çem ên piştî bendavê dê bibînin ku asta avê bi awayekî berçav bilind dibe, lê ev zêdebûn ti metirsîyê li ser gund û bajarokên li ser dirêjahîya çem çênake.
