Şam – SANA
Sazîya Giştî ya Balafirvanîya Sivîl ragihand ku Balafirgeha Navdewletî ya Helebê tê vekirin û rêyên asmanî yên ber bi Tirkîyê ve ji roja Çarşemê 4ê Adara 2026an ve dikevin kar. Di heman demê de Balafirgeha Şamê û rêyên din ên asmanî girtî dimînin. Ev biryar piştî nirxandineke ewlehî û teknîkî hat girtin ji bo misogerkirina silametîya geştan.
Sazîyê tekez kir ku biryarên wê hevsengîyê di navbera ewlehîya balafirvanîyê û berdewamîya peywendîya asmanî de ji bo xizmeta welatîyan li gorî pîwerên navdewletî çêdike. Her wiha amaje kir ku girtina temamî ya qada asmanî û balafirgehan, ya ku berbanga Duşemê 2yê Adara 2026an dest pê kiribû, li gorî nirxandina rewşa meydanî ji bo 24 saetan hatibû plankirin.
