Şam-SANA
Wezîrê Perwerde û Hînkirinê Mihemed Ebdilrehman Tirko, îro Yekşemê, ligel Rêveberê Perwerde û Hînkirinê yê parêzgeha Hesekê Ednan El-Berî, rewşa proseya perwerdeyê li parêzgehê û amadekarîyên tên kirin ji bo destpêkirina sala xwendinê ya 2026–2027an gotûbêj kirin.
Di civîna ku li avahîya wezaretê ya li Şamê hat lidarxistin, asta amadebaşîya Rêveberîya Perwerdeyê ji bo pêşwazîkirina sala nû ya xwendinê, xebatên çaksazkirin û nûjenkirinê yên li sazîyên perwerdeyê hatine encamdan, û planên vekirina dibistanên nû, bi awayekî ku karibin hejmara heyî ya xwendekaran li xwe bigirin û jîngeheke perwerdeyê ya guncaw û aram ji bo wan û kadroyên perwerdeyê dabîn bikin, hatin giftûgokirin.
Her wiha her du alîyan mîkanîzmayên dabînkirina gihîştina pirtûkên dibistanê, pêdivîyên perwerdeyê û yên lojîstîkî bo dibistanên li parêzgehê gotûbêj kirin, ligel rêkarên girêdayî jinûveavakirina sazîyên îdarî û perwerdeyê, bi awayekî ku başîya xebatê xurt bike da li gora daxwazên qonaxa bê be.
Xurtkirina amadebaşîya perwerdeyê
Wezîr Tirko tekezî li ser girîngîya berdewamîya hevrêzkarîyê navbera Wezaret û Rêveberîya Perwerdeyê li Hesekê û xebatên ji bo çareserkirina astengîyên ku heye têkevin pêşîya proseya perwerdeyê kir. Her wiha bal kişand ser hewldanên kadroyên perwerdeyê û yên xwecihî ji bo şopandina pêdivîyên dibistanan û berfirehkirina sazîyên perwerdeyê yên amade ji bo pêşwazîkirina xwendekaran.
Ji alîyê xwe ve, Rêveberê Perwerde û Hînkirinê yê Hesekê, piştrast kir ku Rêveberî di dabînkirina piştgirîya tê xwestin ji bo dibistanan û xurtkirina hevrêzkarîyê ligel Wezaretê berdewam e, bi rengekî ku amadekarîyan temam bike û destpêkirineke aram ji bo sala nû ya xwendinê misoger bike.
