Şam-SANA
Roja Duşemê êvarî dê heyva çardehşevî ya ku di nav gel de wekî “Heyva Berfê” tê naskirin li asîmanê Şamê dîyar bibe. Di vê şevê de heyv bi temamî û geştir xuya dibe, ku ev yek ji bo çavdêrîya stêrnasîyê derfetên herî baş peyda dike.
Endamê Komeleya Stêrnasîyê ya Sûrîyê Nebîl El-Bîş, got ku ev nav di dîrokê de bi serdemên herî sar ên li nîvê bakur yê goka zemînê ve girêdayî ye.
Geşbûna şevên zivistanê yên heyvron dema ku berf li erdê be zêdetir dibe, ji ber ku ronahîya heyvê bêhtir dide rûyê erdê. Çavdêrîya hûrgilîyên rûyê heyvê, wekî çal û deryayên heyvê, ji dema ku roj diçe ava heta berbangê pêkan e, û heyv li nêzî nîvê şevê digihîje xala xwe ya herî bilind li asîman.
El-Bîş tekez kir ku ev dîyardeyeke xwezayî ye û tu bandorên neasayî li pey xwe nayîne, tenê bandora wê ya asayî li ser dîyardeya bilindbûn û nizmbûna asta deryayê heye.
