Reqa – SANA
Sûrîyê yek ji sazîyên xwe yên herî giring û stratejîk vegerand, piştî ku Artêşa wê kontrola xwe li ser bajarê Tebqa û Bendava Feratê li rojavayê Reqayê bi awayekî tam cî bi cî kir, û rêxistina HSD û milîsên PKK yên terorîst derxistin.
Bendav stûneke bingehîn e ji bo hilberîna kehrebeyê, birêxistinkirina çavkanîyên avê û avdana rûberên fireh ji zevîyên çandinîyê.
Di dema kontrola HSDê ji sala 2017an ve, gelê Sûrîyê ji xizmetguzarîyên bingehîn bêpar man ji ber birêvebirina xirab û kontrolkirina bi kêfa xwe ji av û kehrebeyê re. Ev yek bû sedema paşketina çandinîyê, zîyan gihîşt projeyên avdanê û bû gef li ser ewlehîya xwarinê.
Niştecihan tekez kir ku vegerandina bendavê wê vegera xizmetguzarîyan bi awayekî rêkûpêk û dadperwerî misoger bike. Ji ber vê yekê Wezareta Enerjîyê rênimayên lezgîn ragihandin ji bo çaksazkirin û xebitandina bendavê bi destê rêveberîyeke niştimanî, da ku aborî geş bibe û jîyan aram bibe.
