Şam-SANA
Wezîrê Rewşên Awarte, Raid El-Salih, ragihand ku tîmên wezaretê li parêzgehên Cizîra Sûrîyê dest bi belavbûnê kirine da ku xizmetên mirovî û yên bilez pêşkêş bikin. Ev wek tekezîyekê li ser yekîtîya coxrafî û berpirsyarîya niştimanî di parastina hemû Sûrîyan de bêyî cudahî tê.
Salih li ser platforma “X”ê zelal kir ku kadroyên agirvemirandinê yên Reqa, Heseke û Dêrezorê ku berê beşdarî vemirandina şewatên Laziqîyê bûbûn, îro mil bi mil ji bo parastina canê mirovan li parêzgehên Cizîrê kar dikin.
Wezîr Salih bang li kadroyên agirvemirandinê û parastina sivîl li Dêrezor, Reqa û Hesekeyê kir ku li ser erkên xwe berdewam bin û di navendên xwe de bimînin da ku xizmetên rewşên bilez pêşkêşî xelkê bikin; ji bo parastina can û mal û milk û wek nîşaneya berpirsyarîya wan a niştimanî.
Serok Ehmed El-Şeri’ îro peymana agirbestê û tevlîbûna tam a HSDê di nav sazîyên dewleta Sûrîyê de îmze kir.
