Şam-SANA
Desteya Operasyonan a Artêşa Erebî ya Sûrîyê ragihand ku serdestîya li ser bajarê Meskenê yê rojhilatê Helebê bi temamî pêk hatiye, û hêzan dest bi tevgera ber bi bajarokê Dibsî Efnanê li gundewarê Reqayê kiriye. Her wiha amaje pê kir ku bi sedan endamên rêxistina HSDê xwe radestî artêşê dikin.
Desteya Operasyonan her wiha got: Artêşê serdestîya xwe li ser 34 gund û bajarokan li gundewarê Helebê yê rojhilat bi cih kir, ligel dabînkirina derketina ewle ya zêdetirî 200 endamên rêxistina HSDê bi çekên wan ve.
Hêzên Artêşa Sûrîyê pêşveçûn û ketina herêman berdewam dikin bêyî ku endam û wesayitên rêxistina HSDê bikin armanc, li gorî tiştê ku Desteya Operasyonan duh ragihandibû piştî ku rêxistina HSDê vekişîna hêzên xwe ji herêma rojavayê Firatê ji saet heftê sibehê ve ragihandibû.
