Şam-SANA
Wezîrê Rewşên Awarte û Birêvebirina Karesatan ê Sûrîyê Raid El-Salih tekez kir ku tîmên Berevanîya Sivîl a Sûrîyê pêngaveke pêşketî di xebatên nûkirina pira Restenê de li Himsê avêtine, tevî dijwarîyên teknîkî û mercên hewayê yên dijwar.
Wezîr El-Salih îro Sêşemê di parvekirinekê de li ser platforma “X”ê got: “Ev karekî ne asayî ye, pêdivîya wî bi ezmûnên endezyarî yên bilind û amûrên taybet heye, û kadroyên me şîyana xwe ya cîbicîkirina vê projeya jîyanî bi pîşeyî û berpirsîyaryê îsbat kirin.”
El-Salih tekez kir ku rola wan ji bersivdana rewşên awarte (wek lehî û şewatan) derbas dibe daku nûkirina binesazîyên jîyanî û xurtkirina bingehên başbûnê li xwe bigire, û ragihand ku xebat ji bo vegerandina pirê bo xizmetê di demeke nêz de li gorî pîvanên herî bilind ên ewlehîyê berdewam dikin.
Tîmên Berevanîya Sivîl a Sûrîyê nûkirina pira Restenê (Hims-Hema) bi lezeke pêşketî berdewam dikin; ku 9 mebest (ji 14an) hatine danîn û alîyê rojhilat bi temamî bi dawî bûye, ligel berdewamîya xebatê li ser alîyê rojava daku hejmara giştî ya mebestên pêkhatî di projeyê de heta niha digihîje 10an.
