Reqqa – SANA
Hêzên Sûrîya Demokratîk (HSD), berdewam in di binçavkirina rojnamevanê Sûrî Fîras El-Berces li bajarê Reqqayê, bi behaneya têkilîya wî bi hikûmeta Sûrîyê re. Heta niha cihê binçavkirina wî yan sedemên fermî yên girtina wî nehatine eşkerekirin, ku ev yek bû sedema ku sazîyên mafên mirovan û yên ragihandinê daxwaza berdana wî ya yekser û parastina selametîya wî bikin.
Rojnamevan Ebûd Hemam, tekez kir ku girtina El-Berces binpêkirineke eşkere ya azadîya rojnamevanîyê ye. Hemam da zanîn ku El-Berces di girtîgehên HSDê de rastî îşkence û fişarên derûnî hatiye, ku bûye sedema xirabbûna rewşa wî ya tenduristî û rakirina wî ya bo nexweşxaneya leşkerî li Reqqayê, di heman dema ku kampanyayeke medyayî heye daxwaza azadkirina wî û hemû girtîyên din dike.
Tora Sûrî ya Mafên Mirovan, girtina kotekî şermezar kir û HSDê wek berpirsyara tam di ber selametîya wî de dît, û got ku wan nehiştiye ew peywendîyê bi malbata xwe yan parêzerekî re bike û ew veguhestine bo “Dadgeha Terorê” -wek ku ew bi nav dikin- û ev yek binpêkirineke metirsîdar a mafên mirovan e.
Her wiha Yekîtîya Rojnamevanên Sûrî daxwaza eşkerekirina cihê girtina wî û azadkirina wî ya bê şert û merc kir, û bang li rêxistinên navneteweyî kir ku destwerdanê bikin û rojnamevanan biparêzin, di dema berdewamîya binpêkirinên li dijî azadîya rojnamevanîyê de.
